Jamu
![](http://chped.net/https/upload.wikimedia.org/wikipedia/commons/thumb/5/54/Jamu.jpg/250px-Jamu.jpg)
Jamu yaiku obat tradhisional kang bahane saka tuwuhan, upamané saka oyot, godhong, woh, lan kulit kayu sawijining tuwuhan kang kena kanggo nambani warna-warna lelara.[1] Pèrangan wit-witan mau ana sing diolah kanthi digodhog lan ana uga kang dipangan mentah.[1] Wong Indonésia wis ngerti jamu nalika pirang-pirang abad kapungkur. Kang sepisanan jamu mung ana ing kupêngan kraton utawa pura, yaiku ing Kasultanan ing Yogyakarta lan Kasunanan ing Surakarta.[1] Jaman biyèn jamu mung dingerténi ing kalangan kraton lan ora éntuk disebarake ing masarakat njaba kraton.[1] Nanging kanthi owah ginsiring jaman kang saya suwé saya maju, jamu bisa diajaraké ing masarakat njaba kraton, saéngga masarakat njaba kraton wis akèh kang bisa ngracik jamu dhéwé.[1] Prastawa iki kang ndadékaké jamu ngrêmbaka lan digawé ora mung wong Indonésia nanging uga payu ing mancanagara.[1] Kanggoné masarakat Indonésia, jamu iku resép turunan saka leluhur kang kudu dijaga lan dingrêmbakakaké.[1]
Sajarah Jamu[besut | besut sumber]
![](http://chped.net/https/upload.wikimedia.org/wikipedia/commons/thumb/d/d3/COLLECTIE_TROPENMUSEUM_Vrouwen_tijdens_de_bereiding_van_jamu_een_traditioneel_geneesmiddel_op_de_markt_te_Jogjakarta_TMnr_60027047.jpg/250px-COLLECTIE_TROPENMUSEUM_Vrouwen_tijdens_de_bereiding_van_jamu_een_traditioneel_geneesmiddel_op_de_markt_te_Jogjakarta_TMnr_60027047.jpg)
Indonésia wiwit mbiyèn mula wis kondhang karo gemah ripah loh jinawi, lemahé kang subur lan asil buminé kang akèh.[1]